Света Марина

Од Википедија — слободната енциклопедија
Прејди на прегледникот Прејди на пребарувањето
Света маченичка Марина
Маченичка
Роден(а) 289, Антиохија, Писидија
Починал(а) 304 (15 год.)
Слава 17 јули (стар стил)
30 јули (нов стил)
Потиснат католички култ 1969[1]

Светата маченичка Марина (кај народот позната како Огнена Марија) е ранохристијанска светица

Живот[уреди | уреди извор]

Икона на Света Марина

Света Марина била родена во Антиохија, Писидиска, од родители незнабожци. Дури во својата дванаесетта година слушнала за Господ Исус Христос, дека се воплоти од Пречистата Дева, дека изврши многу чуда, прими крсна смрт и славно воскресна. Таа се заветувала дека никогаш нема да се мажи и со сета душа сакала да пострада за Христа, да се крсти со крв на мачеништво. Татко ѝ ја замразил заради нејзината вера и не ја сметал за ќерка.

Кога царскиот намесник Олимвриј дознал дека е христијанка, побарал од неа да му биде жена, а кога го одбила ѝ наредил да им се поклони на идолите, при што таа повторно одбила. Тогаш Олимвриј ја подложил на маки и ја фрлил в затвор.

Во затворот ѝ се јавил најпрво ѓаволот како страшна змија и ѝ се намоткал околу главата. Но, штом светителката се прекрстила, змијата се распукнала и исчезнала. Другиот ден безумниот судија ја мачел во оган и во вода, но Марина сè претрпела. Најпосле била осудена на смрт со меч.

Наводи[уреди | уреди извор]

  1. Mary Clayton; Hugh Magennis (15 September 1994). The Old English Lives of St. Margaret. Cambridge University Press. стр. 3. ISBN 978-0-521-43382-2. http://books.google.com/books?id=i_FBtx0ZPPMC&pg=PA3.